सामाजिक न्याय हि एक विस्तृत संकल्पना आहे. मानवी समाजातील लोकांचे परस्पर संबंध हे हितकारक आणि प्रगतिला पुरक असावेत. यासाठी लोकशाही राज्यव्यवस्थेत नागरीकांचे स्वातंत्र्य, समता, बंधुता, न्याय, त्यांचे हक्क, कर्तव्ये, जबाबदाऱ्या हे घटक अत्यंत महत्वाचे असुन यासाठी सामाजिक न्यायावर आधारलेली सामाजिक व्यवस्था निर्माण करणे आवश्यक असते. यासाठी समाजातील दुर्बल घटकांसोबत घेउन त्यांच्या सामाजिक, आर्थिक, शैक्षणिक उन्नतीसाठी शासन व्यवस्था नेहमी कट्टीबध्द असते.
महाराष्ट्र शासनाच्या सामाजिक न्याय विभागाच्या माध्यमातुन राबविण्यात येणाऱ्या विविध प्रकारच्या योजना मध्ये आमुलाग्र बदल घडवुन आणण्यासाठी नेहमी पुढील अनेक वर्षाची दुरदृष्टी डोळ्यासमोर ठेवुन ‘व्हिजन डॉक्युमेंट’तयार करणेही बाब विभागाच्या दृष्टीने अत्यंत महत्वाची आहे.
यासाठी सदर विभागाची योजना निहाय लाभार्थ्यांना लाभ देण्याच्या दृष्टीकोणातुन विचार करुन सामाजिक न्याय विभागाच्या माध्यमातुन तयार करण्यात येणारी आगामी 25 वर्षाचं सामाजिक न्याय व विशेष सहाय्य विभागाच्यावतीने करण्यात येणारे ‘व्हिजन डॉक्युमेंट’हा अनोखा उपक्रम निश्चित कौतुकास्पद आहे. डोळ्यासमोर व्हिजन असेल तर अपेक्षित ध्येय, उद्दिष्ट प्राप्त होते.
सदर उपक्रमासाठी प्रसिध्द करण्यात येणाऱ्या पुस्तिकेसाठी मनस्वी शुभेच्छा..

समाजातील प्रत्येक घटकाला सन्मानाने, समान संधीसह आणि स्वाभिमानाने जगता यावे, या ध्येयाने समाज कल्याण विभाग सातत्याने कार्यरत आहे. या दिशेने राबविण्यात येणाऱ्या विविध योजना, उपक्रम व सेवांमुळे अनेक गरजू नागरिकांच्या जीवनात सकारात्मक बदल घडत आहेत, ही निश्चितच अभिमानाची बाब आहे.

शिक्षण, सामाजिक सुरक्षितता व सर्वसमावेशक विकास यांवर विशेष भर देत समाज कल्याण विभागाने समाजातील वंचित घटकांना मुख्य प्रवाहात आणण्यासाठी प्रभावी पावले उचलली आहेत. या प्रयत्नांमुळे सामाजिक समता व न्यायाची संकल्पना अधिक दृढ होत असून सक्षम व आत्मनिर्भर समाजनिर्मितीला चालना मिळत आहे.

या उल्लेखनीय कार्यासाठी समाज कल्याण विभागातील सर्व अधिकारी व कर्मचारी यांचे मनःपूर्वक अभिनंदन करीत असून, भविष्यातही लोकहिताचे असेच प्रेरणादायी कार्य सुरू राहो, अशा हार्दिक शुभेच्छा देते.

समाजातील दुर्बल, वंचित व मागास घटकांच्या सर्वांगीण विकासासाठी कार्यरत असलेले वर्धा समाज कल्याण कार्यालय समाजात सामाजिक समता, न्याय व बंधुता निर्माण करण्यासाठी महत्त्वपूर्ण कार्य करत आहे. विद्यार्थ्यांचे शिक्षण, जेष्ठ नागरिकांचे सशक्तीकरण, तसेच समाजातील प्रत्येक घटकाला मुख्य प्रवाहात आणण्यासाठी राबविण्यात येणाऱ्या विविध योजनांमुळे समाजात सकारात्मक बदल घडून येत आहे.

या स्तुत्य उपक्रमांसाठी वर्धा समाज कल्याण कार्यालयातील सर्व अधिकारी व कर्मचारीवर्ग यांचे मनःपूर्वक अभिनंदन व पुढील कार्यासाठी हार्दिक शुभेच्छा. समाजाच्या उन्नतीसाठी आपले कार्य असेच अखंड सुरू राहो, हीच सदिच्छा.

सामाजिक न्याय व विशेष सहाय्य विभागामार्फत भंडारा जिल्ह्यामध्ये राबविल्या जाणाऱ्या अनुसूचित जाती, नवबौद्ध, दिव्यांग दुर्बल घटक, तृतीयपंथी, ज्येष्ठ नागरिक यांच्या सर्वांगीन विकासाच्या हेतू पूर्तीसाठी विविध योजनाची माहिती सर्वसामान्य नागरिकांपर्यंत पोहचावी यासाठी हि माहिती पुस्तिका प्रकाशित करण्यात येत आहे.
सदर पुस्तिका जिल्ह्यातील नागरिकास उपयुक्त ठरेल असा मला विश्वास आहे. या विभागातर्फे अनेक नवीन योजना सुरु करण्यास आल्या असून पूर्वी पासून राबविण्यात येणाऱ्या योजनामध्ये बदलत्या परिस्थितीनुरूप, स्थितीनुसार आमुलाग्र बदल करण्यात आलेला आहे. या सर्व योजनाची माहिती, कार्यवाही, तपशिल, तळागाळातील घटकापर्यंत पोहचविण्यासाठी हि माहिती पुस्तिका हाती देतांना मला अतिशय आनंद होत आहे.
“दृष्टीक्षेप-2045” प्रकाशनाकरिता हार्दिक शुभेच्छा!

समताधिष्ठित व समावेशक समाज घडविणे हे समाज कल्याणाचे अंतिम ध्येय आहे. वर्धा समाज कल्याण कार्यालय या ध्येयाकडे दूरदृष्टी, संवेदनशीलता आणि जबाबदारीने वाटचाल करत आहे. शिक्षण, निवास, सामाजिक सुरक्षा व सक्षमीकरणाच्या माध्यमातून समाजातील दुर्बल घटकांना बळ देण्याचे कार्य उल्लेखनीय आहे.

विद्यार्थी, जेष्ठ नागरिक, दिव्यांग व तृतीयपंथी घटकांसाठी राबविण्यात येणारे उपक्रम हे केवळ सुविधा नसून सामाजिक परिवर्तनाचे प्रभावी साधन आहेत. या स्तुत्य कार्यासाठी समाज कल्याण विभागातील सर्व अधिकारी व कर्मचारीवर्ग यांचे मनःपूर्वक अभिनंदन.

हे कार्य अधिक व्यापक स्वरूप धारण करीत समाजाच्या सर्वांगीण उन्नतीसाठी प्रेरणादायी ठरो, हीच हार्दिक शुभेच्छा.